વિવિધ મુરબ્બા

મુરબ્બા

1.   આમળાનો  મુરબ્બો

જરૂરી સામગ્રી:-

1) આમળાં 1 કિલો

2) એક લીંબુનો રસ

3) ખાંડ દોઢ કિલો

4) એલચી 5 દાણા

5)ફટકડી 25 ગ્રામ

6) કેસર પાંચ - છ તાતણા

7) પાણી પ્રમાણસર

બનાવવાની રીત:-

      સારી જાતનાં અને મોટાં આમળાં લેવાં. પછી એક એક વાસણમાં પાણી લઈ તેમાં આમળાં નાખવા અને પાણીથી ધોઈ નાખવા. પછી તેને બહાર કાઢી લૂછી નાખવા, પછી વાંસની એક સળી લઈ એનાથી આમળામાં કાણા પાડવા. પછી પાણીમાં ફટકડીનો ભૂકો નાખી એમાં આમળા બે દિવસ સુધી રાખી મૂકવા.

      આમળાને બે વખત સ્વચ્છ પાણીથી ધોવા. પછી કલાઈવાળું એક તપેલું લઈ એમાં આમળાં નાખવા અને આમળાં ડૂબે એટલું પાણી એમાં નાખવું. પછી આખું તપેલું ચૂલે ચડાવી આમળાને બાફવા. પછી તપેલું નીચે ઉતારી પાણીમાંથી આમળાં કાઢી લેવાં. આ બાફેલા આમળાવાળા પાણીમાં સાડાસાતસો ગ્રામ ખાંડ નાખી તેમાં આમળાં નાખવા અને આમળા એક રાત એમનેએમ રહેવા દેવા.

      બીજે દિવસે ખાંડના રસમાંથી આમળા કાઢી લેવા અને બાકી રહેલી ખાંડ ખાંડના રસમાં નાખી થોડીકવાર એને ગરમ કરવી.

      પછી ખાંડણીમાં પાણી લઈ તેમાં કેસર ધૂંટી  એમાં નાખવું. આ ચાસણી અઢી તારી થાય એટલે નીચે ઉતારી લેવી. તે ઠંડી પડે એટલે તેમાં આમળા અને એલચીના દાણા નાખી બરણી ભરી લેવી.

2.   કેરીનો સાદો મુરબ્બો

જરૂરી સામગ્રી:-

1) રાજાપુરી કેરી અઢી કિલો

2) ખાંડ 5 કિલો

3) એલચી 5 દાણા

4) બે લીંબુનો રસ

5) કેસર ચાર - પાંચ તાતણા

6) પાણી પ્રમાણસર

બનાવવાની રીત:-

      કેરીને છોલીને એની છાલ ઉતારી નાખવી. પછી છીણી લઈને તેને છીણી લઈને એને ફરી ધોઈ નાખવી. પછી પાણી નિતારી અને ફરી પાછી એક વાસણમાં સ્વચ્છ પાણી લઈ એને ફરી ધોઈ નાખવી. પછી પાણી નિતારી નાખવું. પછી સ્ટીલનું એક તપેલું લઈ એમાં ખાંડ નાખવી અને આ ખાંડ ડૂબે એટલું એમાં પાણી નાખવું. પછી આ તપેલાને ચૂલા ઉપર ચડાવી એની ચાસણી બનાવવી. ચાસણી માટે ખાંડ ઉકળે એટલે અડધા લીંબુનો રસ એમાં નાખવો. આમ કરવાથી એમાં જે મેલ ઉપર તરી આવે તેને કાઢી લેવો. પછી આ ચાસણી બરાબર ઉકળે એટલે કેરીનું છીણ એમાં નાખી દેવું અને પછી હલાવ્યા કરવું.

      પછી એક નાનકડી ચમચીમાં પાણી લઈ એમાં ચપટી કેસર નાખી ઘૂંટવું અને બરાબર ઘૂંટાઈ જાય એટલે તેને તપેલામાં નાખી દેવું. દરમિયાન છીણ બફાઈ જાય અને ચાસણી અઢી તારી થાય એટલે એને ચૂલા ઉપરથી નીચે ઉતારી એમાં એલચીના દાણા નાખવા.

      મુરબ્બો ઠંડો પડે એટલે બરણીમાં ભરી લેવો.

3.   આમળાનો સાદો મુરબ્બો

જરૂરી સામગ્રી:-

1) આમળાં 1કિલો

2) ખાંડ દોઢ કિલો

3) ચૂનાનું પાણી પ્રમાણસર

4)એલચી પાંચ દાણા

5) બે લીંબુનો રસ

6) સહેજ કેસર

બનાવવાની રીત:-

      એક વાસણમાં આમળાં લઈ તેને પાણીથી ધોઈ નાખવા અને પછી લૂછી નાખવા. પછી વાંસની સળીથી દરેક આમળામાં એક કાણું પાડી એને ચુનાના નિતારેલા પાણીમાં એક રાત પલાળી રાખવા. પછી બીજે દિવસે એને બહાર કાઢીને ચોખ્ખા પાણીથી ધોઈ નાખવા અને આમળાં ડૂબે એટલું પાણી એમાં નાખવું. પછી ચૂલા ઉપર એને ચડાવી ધીમા તાપે એને બાફવા. પછી એમાંથી બી કાઢી નાખીને એના કટકા કરવા. પછી એક વાસણમાં આમળાનું પાણી લઈ એમાં એક જ લીંબુનો રસ નાખવો. આમ કરવાથી એમાં મેલ તરી આવશે એટલે મેલ નિતારી લેવો.

      પછી એક ચમચીમાં પાણી લઈ એમાં કેસર ઘૂંટી ચાસણીમાં નાખી દેવું. ચાસણી બરાબર થાય એટલે એમાં આમળાના કટકા નાખી દેવા, થોડીવાર પછી જ્યારે ચાસણી પાકી થઈ જાય એટલે એને નીચે ઉતારી કેવી. પછી મુરબ્બો ઠંડો પડે એટલે એમાં એલચીના દાણા નાખી બરણીમાં ભરી લેવો

4.   આમળાના છીણનો મુરબ્બો

જરૂરી સામગ્રી:-

1) આમળાં 1 કિલો

2) ખાંડ દોઢ કિલો

3) ફટકડી 25 ગ્રામ

4) એલચી 5 દાણા

5)એક લીંબુનો રસ

6)કેસર નવટાંક

7) પાણી પ્રમાણસર

બનાવવાની રીત:-

      એક વાસણમાં પાણી લઈ એમાં આમળાં નાખવા અને એને ધોઈને સાફ કરી એને વાંસની સળી વડે છિદ્ર પાડવા. પછી ચોખ્ખું પાણી લઈ એમાં ફટકડીનો ભૂકો નાખવો અને તેના દ્રાવણમાં બે દિવસ સુધી આમળાનો ભૂકો રાખી મૂકવો. ત્યારબાદ આમળાને બે વખત સ્વચ્છ પાણીથી ધોઈ નાખવા.

      પછી આમળાને છીણી નાખવા. અને આ  છીણને કલાઈવાળા તપેલામાં નાખી એ ડૂબે એટલું એમાં પાણી નાખવું. પછી પાણીને ઉકાળીને છીણને બાફવું. પછી આ છીણ પાણીમાંથી કાઢી લેવું અને બાફેલા પાણીમાં પોણો કિલો ખાંડ નાખીને એની અંદર આમળાનું છીણ નાખવું. પછી આ છીણને એક રાત એમને એમ રહેવા દેવું.

      બીજે દિવસે સવારે છીણ ખાંડના રસમાંથી કાઢી લેવું અને બાકી રહેલી ખાંડ રસમાં નાખી થોડીકવાર ગરમ કરવું. પછી એક ચમચીમાં પાણી લઈને એમાં કેસર ઘુટવું અને પછી કેસરવાળું આ પાણી ખાંડની ચાસણીમાં નાખવું. પછી ચાસણી જ્યારે અઢી તારી થાય ત્યારે એને ચૂલા ઉપરથી નીચે ઉતારી લેવું. એ ઠંડી થાય એટલે એમાં આમળાનું છીણ અને એલચીના દાણા નાખીને બરણીમાં ભરી લેવું.

5.   કેરીનાકટકાનોમુરબ્બો

જરૂરીસામગ્રી:- 

1)રાજાપુરીકેરીઅઢીકિલો

2)ખાંડ 5 કિલો

    3)લીંબુ એક 

    4)એલચી 5 દાણા  

    5)કેસરપાંચ–છતાંતણા

    6)પાણીપ્રમાણસર

બનાવવાની રીત:-

      રાજપુરી કેરીને બરાબર છોલી નાખવી. પછી પાણીમાં ધોઈ નાખવી. 

     પછી સરસ મઝાના ધારદાર ચપ્પુ વડે એ કટકીકરવી. આ  કટકી જરા મોટી કરવી. પછી એક તપેલું લઈ એમાં પાણી ઉકળવા મૂકવું. આ પાણી ઉકળે એટલે એમાં કેરીના કટકા નાખવા. આ કટકા જરા નરમ થાય એટલે એને બહાર કાઢી લેવા. કટકા બફાઈ ન જાય એની ખાસ કાળજી રાખવી.

પછી એક વાસણમાં ખાંડ લઈ તે ડૂબે એટલું તેમાં પાણી નાખવું. પછી તેને ઉકાળવું. પછી એમાં લીંબુનો રસ નાખવો. આથી એમાં મેલ તરી આવશે. આ મેલ કાઢી લેવો. પછી એક ચમચીમાં પાણી લઈ તેમાં કેસર ધોળવું. અને આ કેસર ચાસણીમાં નાખી દેવું. પછી એમાં કેરીના કટકા નાખવા. પછી એને ચૂલા ઉપર ગરમ કરવા મૂકવું.

      પછી આ ચાસણી અઢીતારી  થાય એટલે નીચે ઉતારી એલચીને ફોલીને એના દાણા એમાં નાખવા. પછી મુરબ્બો બરણીમાં ભરી લેવો.

6.   કરમદાનો મુરબ્બો

જરૂરીસામગ્રી:-

     1)કરમદાં 250 ગ્રામ

  2)ખાંડ 500 ગ્રા

  3)એકલીંબુનોરસ

  4)એલચી 5 દાણા
  5) પાણીપ્રમાણસર

બનાવવાનીરીત :-

      એક વાસણમાં પાણી લઈ કરમદાને ધોઈ નાખવા. પછી તેના બે ભાગ કરી એની વચ્ચેનું બી કાઢી નાખવું. પછી તપેલામાં ખાંડ લઈને એ ડૂબે એટલું પાણી એમાં નાખવું . પછી એને ચૂલે ચડાવવું.એ જરાક ગરમ થાય એટલે એમાં લીંબુનો રસ નાખીને એનો જે મેલ ઉપર તરી આવે એને નિતારી લેવો. પછી તે ઉકળે એટલે એમાં કરમદાં નાખી દેવાં. પછી એમાં એલચીનો ભૂકો નાખવો. મુરબ્બો ઠંડો પડે એટલે બરણીમાં ભરી લેવા.

7.   ગાજરનો મુરબ્બો

જરૂરીસામગ્રી :-

1) ગાજર 750 ગ્રામ

2) ખાંડ 500 ગ્રામ

3) સાઇટ્રિકએસિડ 25  ગ્રામ

4) એલચી પાંચ દાણા

5) પાણી પ્રમાણસર

બનાવવાની રીત :-

      સરસ મોટા અને લાલ રંગનાં ગાજર લઈને એને છોલી નાખવા. પછી એક વાસણમાં પાણી લઈ એમાં ધોઈ નાખવા. પછી એક વાસણમાં પાણી લઈ એમાં તે ધોઈ નાખવા. પછી એના ઊભા બે કટકા કરવા. એની વચ્ચેનું પિત કાઢી નાખવું . પછી તેના કટકા કરવા અને સ્ટીલના કાંટા વડે એમાં કાણા પાડવા. પછી એક તપેલી લઈ એમાં પાણી મૂકી એને ચૂલે ચડાવવું એને ચૂલે ચડાવવું અને એમાં ગાજરના ટુકડા નાખી બાફવા. આ ટુકડા સાધારણ બફાય એટલે એને નીચે ઉતારીને એમાંથી ગાજરના ટુકડા કાઢી લેવા.

પછી એજ પાણીમાં ખાંડ અને સાઇટ્રિકએસિડ નાખી એને ચૂલે ચડાવવું. આ ચાસણી અઢી તારી થાય એટલે ગાજરના ટુકડા એમાં નાખવા અને પછી એને નીચે ઉતારી ઠંડા પાડવા. ઠંડા પડી જાય પછી એમાં એલચીના દાણા નાખી બરણી ભરી લેવી.

8.   સફરજનનો મુરબ્બો

જરૂરીસામગ્રી:-

1   1)સફરજન 2 કિલો

2   2)ખાંડ 2 કિલો

3   3)બે લીંબુનો રસ

4   4)એલચી 10 દાણા

5    5)કેસર થોડું

6    6)પાણી પ્રમાણસર

બનાવવાની રીત:-

      સફરજનની છાલ ઉતારી નાખવી. પછી એક વાસણમાં પાણી લઈ એમાં સફરજન નાખવાં અને ધોઈ નાખવા. પછી ચપ્પા વડે એના બબ્બે કટકા કરવા અને વચ્ચેનો ભાગ કાઢી નાખવો, કારણકે એ ભાગ કઠણ હોય છે. એ ઉપરાંત એનાં બી પણ કાઢી નાખવા. પછી એને છરી કાંટા વડે છીદ્રો પાડી પાણીમાં નાખી, ચૂલે ચડાવી બાફવા મૂકવા.

      એક તપેલીમાં ખાંડ લઈને ડૂબે એટલું એમાં પાણી નાખવું. આ પાણીને ઉકાળવું. આ પાણીને ઉકાળવું. પછી તેમાં મેલ ઉપર તરી આવશે તે નિતારી લેવો.

      પછી એક નાની ચમચીમાં પાણી લઈ એમાં ચપટી કેસર નાખી એને ધોળવું અને પછી ચાસણી માં નાખી દેવું . ચાસણી એક તારી થાય એટલે એને ઉતારી લેવી.

      પછી સફરજન કટકા કરવા અને ચાસણી ઠંડી પડે એટલે એ ચાસણીમાં આ કટકા નાખી દેવા. પછીએનેઆખીરાતરાખીમૂકવા. 

      પછી તેમાંથી સફરજનના કટકા કાઢી લઈને ચાસણી ફરી ઉકાળવી. અને અઢીતારી ચાસણી થાય એટલે તેને નીચે ઉતારી ઠંડા પાડવા.

      પછી બરણીમાં ભરી લેવી.

9.   પાઈનેપલનો મુરબ્બો

જરૂરીસામગ્રી :-

1        1 )અનાનસના પૈતાં 2 કિલો

2        2) ખાંડ 2 કીલો

3        3)સાઇટ્રિક એસિડ થોડું

4        4)પાઈનેપલ એસેન્સ થોડું

5        5)પાણી પ્રમાણસર

બનાવવાનીરીત :-

      અનાનસના તૈયાર પૈતા એક વાસણમાં કાઢવાં. પછી એમાં પા કિલો ખાંડ નાખી એ વાસણ એમને એમ આખી રાત રાખી મૂકવું.

      પછી બીજે દિવસે ચાસણીની મદદથી અનાનસના પૈતા ગાળી લેવાં. પછી ચાસણીમાં બીજી પા કિલો ખાંડ નાખવી અને ચાસણીને ઉકાળવી. દરમ્યાન જરૂર પડે તો બીજું પાણી નાખવું. આ ચાસણી એકતારી બને એટલે એમાં પૈતા નાખી દેવા. પછી એને એક રાત રહેવા દેવાં. ચોથે દિવસે ચાસણીમાંથી પૈતા કાઢી લઈને એમાં ફરી પા કિલો ખાંડ નાખવી અને પછી એમાં સાઇટ્રિક એસિડ નાખીને ઉકાળવી.    

      પછી ચાસણી અઢીતારી થાય એટલે એને નીચે ઉતારી લેવી અને ઠંડી પડે એટલે ગાળી લેવી.

    પછી એમાં અનાનસના પૈતા અને પાઈનેપલના એસેંસના બે ટીપાં નાખીને બરણીમાં મુરબ્બો ભરી લેવો. 

     આ બરણીની ઉપર કપડું ઢાંકણ રાખીને બાંધી દેવું.

10.   જામફળનોમુરબ્બો

જરૂરીસામગ્રી:-

1       1) જામફળ 500 ગ્રામ

2       2) ખાંડ 500 ગ્રામ

3       3) બે લીંબુનો રસ

4       4) એલચી 5દાણા

5       5) કેસરથોડું

6       6) પાણીપ્રમાણસર

બનાવવાની રીત:-

      જામફળની છાલ ઉતારી નાખવી. આ જામફળ બને ત્યાં સુધી નાનાં અને કૂણાં લેવા. પછી એક વાસણમાં પાણી લઈ એમાં જામફળ નાખવા. અને પછી ધોઈ નાખવા. પછી ચપ્પા વડે એના બબ્બે કટકા કરવા. પછી એમાં છરી કાંટા વડે છિદ્રો પાડવા. છિદ્રો પાડીને એને પાણીમાં નાખવા અને ચૂલે ચડાવી બાફવા મૂકવા.

      ત્યારબાદ એક તપેલીમાં ખાંડ લઈ તે ડૂબે એટલું પાણી એમાં નાખવું. આ પાણીને એમાં ઉકાળવું. પછી એમાં અરધા લીંબુનો રસ નાખવો. આમ કરવાથી એનો મેલ ઉપર તરી આવશે તે નિતારી લેવો.

પછી એક નાની ચમચીમાં પાણી લઈ એમાં ચપટી કેસર નાખી તેને ઓગાળવું અને પછી ચાસણીમાં નાખી દેવું. ચાસણી એક તારી થાય એટલે એને નીચે ઉતારી લેવી. પછી જામફળના કટકા કરવા અને ચાસણી ઠંડી પડે એટલેએ ચાસણીમાં આ કટકા નાખી દેવા. પછી એને આખી રાત રાખી મૂકવા. પછી તેમાંથી સફરજનના કટકા કાઢી લઈ ચાસણી ફરી ઉકાળવી અને અઢી તારી ચાસણી થાય એટલે એને નીચે ઉતારી ઠંડો પાડવો.

      પછી બરણીમાં ભરી લેવો.

11.   દુધીનોમુરબ્બો
જરૂરીસામગ્રી :-

1       1) કૂણીદૂધી 1કિલો

2       2) ખાંડ 1 કિલો

3       3)પીળોરંગસહેજ

4       4) એલચીત્રણચારદાણા

5       5) પાણીપ્રમાણસર

બનાવવાનીરીત:-

      એક વાસણમાં પાણી લઈ એમાં દૂધી ધોઈ નાખવી. પછી એને છીણી નાખવી. પછી આ છીણને વરાળમાં બાફવં. પછી ખાંડ ડૂબે એટલું પાણી નાખી ચૂલે ચડાવી એની એકતારી ચાસણી બનાવવી.

પછી આ ચાસણીમાં દૂધીનું છીણ નાખવું. છીણ નાખ્યા પછી ચાસણી બેતારી થાય એટલે એને નીચે ઉતારી લેવી. પછી એને ઠંડી પાડવી.

      ત્યારબાદ …એમાં પીળો રંગ નાખવો અને પછી ઈલાય ચીનો ભૂકો નાખવો, પછી બરાબર હલાવવું અને બરણી ભરી લેવી.

        

Read More

ફળના અથાણાં

ફળના અથાણાં

1.      કેરડાનું અથાણું

જરૂરી સામગ્રી:-

1) કેરડા 500 ગ્રામ

2) સરસિયું 100 ગ્રામ

3) આંબોળિયાનો પાઉડર 20 ગ્રામ

4) મરચાનો ભૂકો 300 ગ્રામ

5) વરિયાળી 20 ગ્રામ

6) લસણના ટુકડા 5 ગ્રામ

7) ધાણાનો ભૂકો 10 ગ્રામ

8) જીરૂ 10 ગ્રામ

9) દળેલી હળદર 10 ગ્રામ

10) મીઠું 10 ગ્રામ

11) પાણી પ્રમાણસર

બનાવવાની રીત:-

      એક વાસણમાં પાણી લઈ એમાં સારી જાતના કેરડા ખરીદીને નાખવા અને પછી ધોઈ નાખવા. પછી એક વાસણ લઈ એમાં બીજું ચોખ્ખું પાણી લઈ મીઠું નાખવું અને ખારું પાણી બનાવીને આ ધોયેલા કેરડા નાખી દેવા. ત્યારપછી દર અઠવાડિયે આ દ્રાવણમાં થોડું થોડું મીઠું ઉમેરતા જવું. આમાં આ કેરડાને આ ખારા પાણીમાં બીજા પંદર દિવસ રાખી મૂકવા.

      આ કેરડાને ખારા પાણીમાંથી બહાર કાઢીને ચોખ્ખા પાણીમાં ત્રણ કલાક ડૂબાડી રાખવા. પછી એને વહેતા પાણીમાં બરાબર સારી રીતે ધોઈ નાખવા કે જેથી ખારાશ ઓછી થઈ જાય.

      પછી બધા મસાલા ભેગા કરીને ઠંડું પાડવું. પછી અથાણામાં નાખી દેવું.

      આ રીતે તૈયાર કરેલું અથાણું ચાળીસ દિવસ સુધી મૂકવું. પછી જ એનો ઉપયોગ કરવો.

2.      રાઈવાળા કેરળા

જરૂરી સામગ્રી:-

1) કેરડા 2 કિલો

2) રાઈના કુરિયા 400 ગ્રામ

3) જારી નાગરની કેરી 2 કિલો

4) તેલ પ્રમાણસર

5) મીઠું પ્રમાણસર

6) ગોળ પ્રમાણસર

7) હળદર પ્રમાણસર

8) ખાટું પાણી પ્રમાણસર

9) પાણી પ્રમાણસર

બનાવવાની રીત:-

      એક વાસણમાં પાણી લઈ એમાં કેરડા નાખી ધોઈ નાખવા. પછી આ કેરડાને મીઠામાં રગદોળવા. મીઠામાં રગદોળીને એને રાખી મૂકવા કે જેથી એમાં આથો આવે, ત્યારબાદ નાની કેરીને છોલી નાખીને એને ધોઈ નાખવી અને પછી કોરી કરીને એને કેરડાની અંદર નાખવી.

      સમાન્ય રીતે કેરડાને અથાતાં વાર લાગે છે એટલે એજ્યારે બરાબર અથાય અને પીળાશ પડતા રંગના થાય ત્યારે એને બહાર કાઢીને કોરા કરવા. પછી કેરીને પણ બહાર કાઢીને કોરા કરવા. પછી કેરીને પણ બહાર કાઢીને લૂછી નાખવી અને કટકી કરવી.

      ત્યારબાદ કુરિયાને ખાટા પાણીમાં ખૂબ ફિણવા અને પછી એમાં મીઠું, હળદર, ગોળ અને તેલ નાખીને બરાબર ફીણવું. પછી કેરીની કટકી અને કેરડા બરાબર રગદોળીને બરણીમાં ભરી દેવા.

3.      બોરનું અથાણું

જરૂરી સામગ્રી:-

1) પાકાં બોર 500ગ્રામ

2) રાઈનો મસાલો પ્રમાણસર

3) મીઠું પ્રમાણસર

4) ગોળ પ્રમાણસર

5) હળદર પ્રમાણસર

6) પાણી પ્રમાણસર

7) તેલ પ્રમાણસર

બનાવવાની રીત :-

      એક વાસણમાં બોર લઈને તેને પાણીમાં નાખી ધોઈ નાખવા પછી તેને આઠ દિવસ સુધી મીઠામાં રાખી મૂકવા કે જેથી આથો આવે. પછી તેને બહાર કાઢી લેવા અને તડકે સૂકવવા મૂકવા. આ સૂકા બોરના ઠળિયા કાઢી લેવા. પછી એક વાસણમાં રાઈનો મસાલો, તેલ, હળદર, મીઠું વગેરે લઈ તેને બરાબર ચોળીને ભેગો કરવો અને પછી ચપ્પા વડે છોલીને એમાં ગોળનો ભૂકો નાખવો.

      આ મસાલામાં બોર ચોળી નાખવા અને પછી બરણીમાં ભરી લેવા.

4.      નારંગીનું અથાણું

જરૂરી સામગ્રી:-

1) નારંગી 50 નંગ

2) ખાંડ 250 ગ્રામ

3) લવિંગ પાંચ

4) સૂકા ધાણા 50 ગ્રામ

5) કાળા મરી 5 નંગ

6) મીઠું 250 ગ્રામ

7) સરકો પ્રમાણસર

8) વરિયાળી પ્રમાણસર

9) સરકો પ્રમાણસર

8) વરિયાળી પ્રમાણસર

9) જીરૂ પ્રમાણસર

10) પાણી પ્રમાણસર

બનાવવાની રીત:-

          એક ખાંડણીમાં બધો સૂકો મસાલો લઈ ખાંડી નાખવો. પછી આ ખાંડેલો મસાલો એક વાસણમાં લઈ તેમાં મીઠું અને ખાંડ ભેળવવી. પછી એક વાસણમાં પાણી લઈ એમાં બધી નારંગી ધોઈ નાખવી અને એને સાફ કરી કપડા વડે લૂછી નાખવી પછી ચાર ઊભી ઊભી અડધી ચીરીઓ કરવી અને એમાં મસાલો ભરવો. આમાંબધી નારંગીઓમાં મસાલો ભરાઈ જાય એટલે તેને બરણીમાં ભરી લેવી. પછી આ  બધી નારંગીઓ ડૂબે એટલે તેને બરણીમાં ભરી લેવી. પછી આ બધી નારંગીઓ ડૂબે એટલો સરકો બરણીમાં નાખવો.

           પછી એને ત્રણ ચાર દિવસ એમ ને એમ રાખી મૂકો.

5.      સક્કરટેટીનું અથાણું

જરૂરી સામગ્રી:-

1) સક્કરટેટી 1 કિલો

2) કાચી કેરી 500 ગ્રામ

3) જીરૂ થોડું

4) તલનું તેલ 75 ગ્રામ

5) હળદર અડધી ચમચી

6) મીઠું 25 ગ્રામ

7) લાલ મરચું 25 ગ્રામ

8) હિંગ સહેજ

9) પાણી પ્રમાણસર

બનાવવાની રીત:-

         એક વાસણમાં પાણી લઈ તેમાં પાણી લઈ તેમા સક્કરટેટીને ધોઈ નાખવી. પછી કોરા કપડા વડે લૂછી નાખવું. પછી ચપ્પુ લઈ એમાં એક નાનકડી ડગળી પાડવી. પછી એને દબાવીને એનું પાણી નીચોવી નાખવું.

         પછી એક થાળીમાં આ છીણ અને રાઈ લઈ એમાં થોડુંક પાણી નાખવું અને પછી એને બરાબર ફીણી નાખવું. પછી તેમાં બધો મસાલો અને તેલ નાખીને આ છૂંદાને તેમાં ભેળવવો અને પછી મસાલો ભેળવેલો કેરીનો છૂંદો સક્કરટેટીની ડગળી ઉગાળીબંધ કરી દેવી. પછી તેને દોરી બાંધીને બરણીમાં મૂકવું. બે દિવસ એમ ને એમ રાખી મૂકી એમાં તેલ નાખવું અને પછી બે  દિવસ બાદ એનો ઉપયોગ કરવો.

6.      પપૈયાનું  અથાણું

જરૂરી સામગ્રી:-

1) કાચું પપૈયું 1 કિલો

2) મીઠું 250 ગ્રામ

3) રાઈના કુરિયાં 100 ગ્રામ

4) તેલ પ્રમાણસર

5) હળદર પ્રમાણસર

6) પાણી પ્રમાણસર

બનાવવાની રીત:-

      એક વાસણમાં પાણી લઈ એમાં કાચા પપૈયા ધોઈ નાખવા. પછી આ કાચા પપૈયાની છાલ ઉતારી નાખવી. અને દરેક પપૈયાના ચાર ચાર ટુકડા કરવા. ત્યારબાદ પપૈયાના ચાર ચાર ટુકડા કરવા. ત્યારબાદ પપૈયાના આ  ટુકડાને એક વાસણમાં મીઠું લઈ રગદોળી રાખી મૂકવા. સવાર સાંજ એને ઉછાળવાં. પછી ત્રીજે દિવસે મીઠાના પાણીમાંથી એને બહાર કાઢી તડકે સૂકવવા મૂકવું.

            રાઈના કુરિયાને પાણીમાં પલાળી રાખવા. થોડી વાર આ પ્રમાણે રાખી મૂકી એને ફીણવા. પછી તેમાં હળદર, પપૈયા ના તૈયાર કરેલા ટુકડા અને તેલ નાખીને બધું હલાવવું અને પછી બરણીમાં ભરી લેવું.

7.      બીજોરાનું અથાણું

જરૂરી સામગ્રી:-

1) બીજોરાં અઢી કિલો

2) મીઠું 700 ગ્રામ

3) ગોળ 750 ગ્રામ

4) રાઈ 250 ગ્રામ

5) હળદર પ્રમાણસર

6) પાણી પ્રમાણસર

બનાવવાની રીત:-

     એક વાસણમાં પાણી લઈ એમાં બીજોરાં નાખી, એને બાફવા માટે ચૂલે ચડાવવા. પછી જ્યારે બીજોરાં પોચાં પડે ત્યારે એને નીચે ઉતારીને એને ઠંડા પાડવા અને પછી એમાં ઊભી ચીરી કરી એમાં મીઠું ભરવું. પછી બીજે દિવસે એમાંથી પાણી કાઢી નાખવું અને તડકે સૂકવવા મૂકવું.

         ત્યારબાદ રાઈના કુરિયાં બનાવી એને પલાળી રાખવા. પછી થોડુંક પાણી લઈ એમાં રાઈ નાખી એને ખૂબ ફીણવી . પછી એમાં બીજોરાના કટકા નાખીને રગદોળવા અને બરણીમાં ભરી લેવાં.

8.      ખારેકનું અથાણું

જરૂરી સામગ્રી:-

1) ખારેક 1 કિલો

2) આદુ 200 ગ્રામ

3) રાઈના કુરિયાં 100 ગ્રામ

4) વરિયાળી 25 ગ્રામ

5) જીરૂ 25 ગ્રામ

6) મરી 25 ગ્રામ

7) તજ 25 ગ્રામ

8) લવિંગ 20 ગ્રામ

9) ધાણા 25 ગ્રામ

10) એલચી 5 ગ્રામ

11) લીંબુ 10 ગ્રામ

12) આમચૂર પાઉડર ચાર ચમચી

13) મીઠું પ્રમાણસર

14) પાણી પ્રમાણસર

15) ખાંડ 100 ગ્રામ

બનાવવાની રીત:-

           એક વાસણમાં ખારેક પલાળી રાખવી. પછી એ પોચી થાય એટલે એને પાણીમાંથી બહાર કાઢવી. પછી એને કપડા વડે લૂછીને કોરી કરવી. પછી એને વચ્ચેથી કાપવી અને એનાં બી કાઢી નાખવાં. પછી આદુને છોલવું. પછી એને ચોખ્ખા પાણી વડે ધોઈ નાખવું. પછી ખારેકમાં આમચૂર પાઉડર, મીઠું અને તૈયાર કરી રાખેલો મસાલો ભરી દેવો પછી એને દોરીથી બરાબર બાંધી દેવી.

             આ બધી ખારેક બરણીમાં ભરી દેવી અને તે ડૂબી જાય એટલો લીંબુનો રસ એમાં નાખવો, પછી તેની અંદર મીઠું, ખાંડ અને બાકી વધેલા રાઈના કુરિયાં નાખીને બરણીનું મોઢું ઢાંકણ વડે બંધ કરીને કપડા વડે બાંધી દેવું. પછી આ બરણીને તડકામાં મૂકી રાખવી. દરમ્યાન ચમચા વડે આ અથાણાને હલાવતા રહેવું. પછી ખાંડની ચાસણી બને એટલે એ જાડી થાય એટલે અથાણું ખાવા માંડવું.

9.      આમળાનું અથાણું

જરૂરી સામગ્રી:-

1)  આમળાં 200 ગ્રામ

2) મરચું 100 ગ્રામ

3) મેથી 200 ગ્રામ

4) મીઠું 250 ગ્રામ

5) તેલ પ્રમાણસર

6)હળદર પ્રમાણસર

7) ગોળ 100 ગ્રામ

8) હિંગ સહેજ

બનાવવાની રીત:-

      એક વાસણમાં ચોખ્ખું પાણી લઈ એમાં આમળાં પલાળી રાખવા અને પછી તેના ગોળ કટકા કરી, થોડુંક લીંબુ લઈ તેમાંતેને આથી નાખવા. એક દિવસ એને આ રીતે રાખી મૂકી બીજે દિવસે એને ધોયેલો સાડલો પાથરી એની ઉપર કોરાં કરવાં.

      મેથીને ધીમે તાપે શેકીને પછી એને કરકરી દળવી અને એના ફોતરાં ઝાટકી નાખી એના કુરિયાં બનાવવા. પછી એમાં મરચું, હળદર અને થોડીક હિંગ નાખીને મસાલો વધારવો. આ બધો મસાલો ઠંડો પડે એટલે એમાં ગોળ ભેળવવો.

      આમળાના કટકા લઈને તેને તેલમાં રગદળી એમાં મસાલો અને ગોળ નાખી હલાવવું અને પછી બરણીમાં ભરી લેવું.

         આ અથાણું આઠ જ દિવસમાં વાપરી નાખવું નહિતર બગડી જશે.

10.      કોઠાનું અથાણું

જરૂરી સામગ્રી :-

1) પાકા કોઠાં 4 નંગ

2) ખાંડ કોઠાથી દોઢગણી

3) મેથીનો મસાલો 4 ચમચી

4) હિંગ સહેજ

5) તેલ 4 ચમચી

6) મીઠું પ્રમાણસર

7) ખાંડેલું જીરૂ બે ચમચી

8) પાણી પ્રમાણસર

બનાવવાની રીત:-

      કોઠાને એક વાસણમાં ચોખ્ખું પાણી લઈ ધોઈ નાખવા. પછી કોઠાને ફોડીને એમાંથી ગલ કાઢી લેવો.

      પછી એક તપેલામાં ખાંડ લઈ, એ ડૂબે એટલું એમાં પાણી નાખી, એને ચૂલે ચડાવી એની બે તારી ચાસણી બનાવી એમાં લીંબુનો રસ નાખી એનો મેલ નીતારી લેવો.

      ત્યારબાદ કોઠાનો ગલ, મીઠું અને જીરૂ એ ચાસણીમાં નાંખવા. આ બધું એની સાથે બરાબર ભળી જાય એટલે એમાં મેથીનો મસાલો નાખવો.

      એક વાસણમાં તેલ લઈને ગરમ કરવું. પછી એમાં એક ચપટી હિંગ નાખી વઘાર કરવો.

      આ વઘાર ઠંડો પડે એટલે એમાં નાખીને બધું સ્ટીલના ચમચા વડે હલાવી એકરસ બનાવવું અને પછી બરણી ભરી લેવી.

Read More